وأنا في الظلام من غير شعاع يهتكه. . أقــف مكانى بخوف والا أتـركــــــه. . ولمـايـيجى النور واشوف الــدروب. أحــتار زيـاده أيــّهــم… أســلكـــــــــه. . وعجــبــي !
حسيت بفراغ داخلي وندم, حسيت ببرد وتبلد لمشاعري ودخلت اشوف ايه اللي وصلني لكده, لقيتني كتبت لنفسي زمان "مش عاوز ابقى كويس وانا لوحدي, انا عاوز ابقى مش لوحدي حتى لو هابقى مش كويس. ". يا ترى انا كنت صح, يا ترى انا بتعامل مع نفسي صح, يا ترى انا فاهم نفسي؟ فاهم افعالي وجذورها؟ لا يسعني الا اني اعمل اللي بعمله كل مرة, أفنط الورق بمنطقية واضحك على نفسي, يمكن اكون بأجل المواجهة لبعدين, لوقت انا حاسس انه مش هييجي, هل ده معناه اني هفضل مخوخ من جوا ومتبلد المشاعر للابد, هل الانسان ممكن يعرف نفسه او يقدر يتعامل معاها بالعقل بس؟ هل المنطق يقدر يخليك ماسك نفسك للابد؟ هل انا احب اموت واقابل ربنا وانا حاسس اني بجمع شتات نفسي بعقلي بس من غير اى مشاعر؟ عايز ايه يا احمد بتدور على ايه؟ أبحث عن الاتساق ...
Comments
Post a Comment