Loss
خسرت حبيبتي, بعدين خسرت فرصة اني اسافر اوروبا في اكتر من جامعة, بعدين خسرت فرصة سفر ايطاليا اللى وقفت على اخر لحظة, وبكده خسرت حوالي 15 الف صرفتهم في التقديمات, وبعدين خسرت سبع شهور من عمري وبيزيدوا قاعد في البيت مش لاقي شغل, ودلوقتي بخسر تلاتين الف دفعتهم في جامعة ايطاليا والمفروض كانوا يتردوا ومحلتيش غيرهم اصلا, وبخسر صحتي بالدخان اللي مش عارف ابطله, وبعدين بخسر صحابي عشان مبقتش اشوفهم, وبعدين بخسر عيلتي عشان نفسيتي مش سامحالي ازور حد واقف جنبه في محنته, وبعدين بخسر نفسي قصاد نفسي كل ما ابص في المرايه واحس بالعجز, وبعدين بخسر نومي عشان القلق مخليني منامش مرتاح, وبعدين بخسر كرامتي قدام نفسي ع الاقل كل ما اكلم حد يساعدني اشتغل وميساعدنيش او ميردش عليا, وبخسر وبخسر وبخسر وبخسر وبخسر, وبعدين؟
Comments
Post a Comment