عيط، يجوز إن العياط راحة

خيّط جروحك

بس بالراحة ..

مش كل صدق تقوله بصراحة

ولا كل كدب تقوله بالوشّين ...

عمال بتهرب م الظروف 

في الكلمتين..

وبتختصر

مُر البعاد، والتوهة، والوحدة،

والإنعزال، والرفض

في "الغايبين"...

فشل الوصول، وسذاجة الرحلة، 

والإنهزام، والضعف

في "الخايبين"...

غير إختصار الناس

في ناس تانيين..

حبّة حروف فوق جتّتك شابكين

قايلين كلام ما بيتنسيش منهم...

بينهم حكاوي وشخبطة وعناوين

خرابيش قصايد، كلّها عنهم..

كان كل دورك بس 

توزنهم...