بحاول اوصل لنفسي احساس ان حياتي مستقرة وفيها الحلو والوحش بس انا بشتغل نفسي, انا عقلي مش شايف غير الوحش, الصراحة حقه. انا لا عاطفيا ولا نفسيا ولا ماديا مرتاح. مفيش اى حاجة مظبوطة فعلا. معقول كده؟ بقالي كم سنة مش راضي عن نفسي؟ معقول يا احمد؟ يعني ما يا انت جاحد يا انت بتتعذب في الارض, وانا اظن ان الاتنين موجودين بس ليه الجحود ده. هى دي حياة هتخليني مستريح بعدين يعني؟ لا بريح نفسي دلوقتي ولا بعدين ولا حاسس بالرضا لا دلوقتي ولا زمان ولا في اللي جاى. ليه كده بس
Posts
Showing posts from November, 2022
- Get link
- X
- Other Apps
مش لاقي شغل. مش حاسس ان الدنيا هتسلك قريب. مش قادر اقنع نفسي اني اهدى وان الارزاق بايد ربنا. مش شايف انا مقصر فين. مش عارف اقنع نفسي ان كله خير. مش شايف حاجة احسن قدام. مش مستحمل اى كلمة من حد حتى لو مش مقصودة, مبردش بس مركز دايما في الكلام ومستني حد يقول حاجة عشان احفرها جوا عقلي وافضل متأثر بيها. مقتنع اني مش ناقصني حاجة علشان اشتغل وفي نفس الوقت مقتنع اني مليش لازمة في الدنيا وهقعد بقية حياتي زى القلة كده مش لاقي حاجة اعملها. المشاكل المادية في البيت بتزيد وانا... عالة . افرجها يارب
- Get link
- X
- Other Apps
بقالي سنين بشغل نفسي عشان مفكرش, بقالي شهور قاعد لوحدي وبرضه مبفكرش في اى حاجة وجودية ممكن بشغل نفسي بحاجات مادية اعدي بيها الوقت. بمرور الوقت بدأت اقتنع انه المشاكل العاطفية اللى كانت مدمراني زمان ومخلياني مش عايش مرتاح اقل اهمية بكتير من مشاكل تانية زى الفلوس واني مش لاقي شغل وان عليا ديون. مشاكل بجد فاهم. بس لا, اى حالة هتقلب بمأساة لو فيه فراغ عاطفي او كسرة قلب, وأى مأساة هتقلب بمعافرة وحاجة جميلة افتكرها بعدين لو الواحد بيلاقي اللي يحبه ويقدره. سؤال معلش لو بعد كل ده طلع انه انا اللي كنت غلطان واعمى, هعوض كل السنين دي ازاى؟ انا بقيت بارد اوي, هنفجر تعبان جسديا ونفسيا وذهنيا بس بارد مليش نفس اعمل حاجة, معنديش قدرة ادخل علاقة, معنديش قدرة ابطل حاجة بتضرني لمجرد انها متعة لحظية هتخليني انسى همومي ومفكرش فيها ولو دقيقة ولو ثانية. حطام بني ادم بيمر بأزمة وجودية وعاطفية حادة ومعنديش امل ان الدنيا تتعدل. اللهم اجعله خير ويارب محدش يقرا كلامي ده